ગુજરાતમાં ભાજપના એક ધારાસભ્યએ ઉત્તર પ્રદેશમાં લવ જેહાદ વિરુદ્ધ કાયદાની તર્જ પર રાજ્યમાં કાયદો લાગુ કરવાની માંગ કરી છે. ડભોઇના ધારાસભ્ય શૈલેષ મહેતાએ મંગળવારે કહ્યું હતું કે તેઓ ટૂંક સમયમાં લવ જેહાદ વિરુદ્ધ કડક કાયદો ગુજરાત સરકાર સમક્ષ લાવવાની દરખાસ્ત કરશે.
મહેતાએ કહ્યું હતું કે, “લવ જેહાદ સામે સખત કાયદો દરેક રાજ્યમાં લાવવામાં આવશે જ્યાં ભાજપ સત્તામાં છે.” ગુજરાત હિન્દુત્વમાં વિશ્વાસ કરનારું પહેલું રાજ્ય છે, તેથી લવ જેહાદ સામેનો કાયદો પણ અહીં લાવવામાં આવશે.
તેમણે કહ્યું કે ગુજરાતમાં લવ જેહાદની ઘણી ઘટનાઓ બની રહી છે. તેથી ગુજરાતમાં કડક કાયદો બનાવવો જોઇએ. ભાજપના ધારાસભ્યએ કહ્યું, “દેશભરમાં આવી ઘણી ઘટનાઓ બની રહી છે. યુપીમાં યોગી સરકારે આ મુદ્દે કાયદો લાવ્યો છે. ગુજરાતમાં પણ યુપી કરતા વધુ કડક કાયદો બનાવવો જોઈએ. ‘
